Эрон нашри "Персеполис"нинг омадсизлигида Ўзбекистон терма жамоасини айблади

Элит чемпионлар лигасининг 4-туридан ўрин олган "Персеполис" - "Ал-Гарафа" баҳси якунига етди.

Мазкур баҳсда жамоалар 1:1 ҳисобидаги дурангга имзо чекди. Голларга майдон эгаларидан Фаражи, меҳионлардан эса Ганеҳи муаллифлик қилди. Остон Ўрунов майдонда 70 дақиқа ҳаракат қилди. Легионеримиз терма жамоадаги жароҳатдан сўнг қайтди ва ушбу ўйинда етарлича ўзини кўрсата олмади. Форс манбаларида қуйидаги махзмундаги хабарлар тарқалди:

"Ўруновнинг етарлича тайёргарлик кўрмагани "Персеполис"нинг кечаги ўйинига салбий таъсир қилди. Жамоа Элит Лигада бу сафар ҳам ғалаба қозона олмади. Ҳозир "қизиллар"да 2 очко бор жамоанинг кейинги босқичга чиқиш имконияти аввалгидан ҳам камайиб кетди. 

Ўзбекистон терма жамоаси лагерига жароҳат олиб борган вингер бу масалага этибор бермай, жамоанинг юқори босимдаги машғулотларида қатнашди ва бу жароҳатини янада оғирлаштирди. Шу боисдан айтиш мумкинки, Ўзбекистон терма жамоаси "Персеполис"нинг сўнгги муваффақиятсизликларига сабабчи бўлди.

Ҳеч кимга сир эмаски, Ўрунов "Персеполис"нинг олдинги чизиғида асосий футболчиларидан ва унинг йўқлиги Элитдаги "Ас-Садд" ҳамда чемпионатда "Истиқлол Хузестан"га мағлуб бўлишига сабаб бўлди. У "Ал-Гарафа"га қарши ўйинда йўқолиб қолди", - дейилади "footballi.net news" нашри хабарида.

Эслатиб ўтамиз, Ўрунов Эронга қарши ўйинда жароҳат олганди ва БААга қарши ўйинни ўтказиб юборган эди.