Эрон терма жамоаси футболчисининг АҚШдаги визаси ЖЧдаги биринчи ўйиндан сўнг тугади

Эрон терма жамоаси ҳужумчиси Меҳди Торабийга берилган Америка визасининг муддати жаҳон чемпионатида жамоанинг илк учрашувидан сўнг тугаб қолди. Бу ҳақда Франс Пресс агентлиги Эроннинг IRNA ахборот агентлигига таяниб хабар берди.

Манба маълумотича, Эрон футбол федерацияси футболчи учун янги виза расмийлаштириш жараёнини бошлаган.

Эрон терма жамоаси жорий жаҳон чемпионатидаги биринчи ўйинида Янги Зеландия жамоасига қарши майдонга тушиб, дуранг қайд этган (2:2). Учрашув Инглвуд шаҳрида (Калифорния штати, АҚШ) бўлиб ўтган. Гуруҳ босқичида Эрон терма жамоаси 21 июнда Бельгия, 27 июнда эса Миср жамоаларига қарши ўйин ўтказади.