Eron terma jamoasi hujumchisi jarohat oldi. U O‘zbekistonga qarshi o‘ynamaydi

"Rostov" vingeri Muhammad Mohebbi Eron terma jamoasi safida mashg‘ulot paytida jarohat oldi. Bu haqda jurnalist Erfan Husayniy xabar berdi.

Manbaning so‘zlariga ko‘ra, futbolchi Kabo-Verdega qarshi o‘rtoqlik o‘yinidan keyin o‘zini yomon his qilgan. Mohebbi mazkur o‘yinni to‘liq o‘tkazdi va penaltilar seriyasida ham gol urdi.

Mohebbi allaqachon terma jamoani tark etgan. U 2023 yil yozidan beri "Rostov" safida o‘ynab kelmoqda. Bu mavsumda 26 yoshli futbolchi barcha musobaqalarda 17 ta o‘yinda maydonga tushib, bitta gol urdi va ikkita golli uzatmani amalga oshirdi.