Эрон терма жамоаси ҳужумчиси жароҳат олди. У Ўзбекистонга қарши ўйнамайди

"Ростов" вингери Муҳаммад Моҳебби Эрон терма жамоаси сафида машғулот пайтида жароҳат олди. Бу ҳақда журналист Эрфан Ҳусайний хабар берди.

Манбанинг сўзларига кўра, футболчи Кабо-Вердега қарши ўртоқлик ўйинидан кейин ўзини ёмон ҳис қилган. Моҳебби мазкур ўйинни тўлиқ ўтказди ва пенальтилар сериясида ҳам гол урди.

Моҳебби аллақачон терма жамоани тарк этган. У 2023 йил ёзидан бери "Ростов" сафида ўйнаб келмоқда. Бу мавсумда 26 ёшли футболчи барча мусобақаларда 17 та ўйинда майдонга тушиб, битта гол урди ва иккита голли узатмани амалга оширди.