Евро-2020. Чехия - Англия: Матнли трансляция

Ассалому алайкум, қадрли футбол ихлосмандлари! Европа чемпионати 3-туридан ўрин олган Чехия - Англия тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

• 90+4'
  

  Учрашув якунланди. Англия биринчи ўрин билан кейинги босқичга йўл олди.

• 90+2'

  Чехларга гол зарур. Бироқ англияликлар бўш келишни истамаяпти.

• 90'
  

  Ўйиннинг асосий вақтига 4 дақиқа қўшилди.

• 88'

  Иккинчи таймда айтарли хавфли вазият кўрмаймиз, чоғи.

• 86'

  Сўнгги дақиқаларни мезбонлар фаолроқ ўтказмоқда.

• 84'
  

  Букайо Сака ўрнига Жэйдон Санчо ўйинга қўшилди.

• 83'

  Чехиялик футболчининг зарбасига аниқлик етишмади.

• 82'

  Иккинчи тайм анча зерикарли темпда ўтмоқда. Бирорта хавфли зарба берилмаяпти.

• 79'
  

  Жон Стоунз ўз ўрнини Тайрон Мингзга бўшатиб берди.

• 76'

  Чехияликлар гол илинжида ҳужумга ўтяпти. Аммо класс ўз сўзини айтмоқда.

• 74'

  Биргина гол кўп нарсани ўзгартириб юборади. Қайси дарвозага киритилишининг фарқи йўқ.

• 71'

  Тўп рақибда бўлган пайтда инглизлар эрта прессинг уюштирмоқда.

• 69'

  Томонларнинг ҳужумлари ўз якунига етмай қоляпти. 

• 67'
  

  Ҳозирча ягона бўлиб турган гол муаллифи Стерлинг ўз ўрнини Рэшфордга бўшатиб берди. Унга ассист бўлган Грилишни Беллингем алмаштирди.

• 64'
  

  Дарида ва Масопуст ўрнига Гложек ҳамда Крал ўйинга қўшилди.

• 62'

  Жарима майдони остонасида Магуайр рақиб оёғини илиб қолди. Ҳакам яна хатога йўл қўйди ва стандарт белгиламади.

• 59'
  

  Рахим Стерлинг воқеалар ривожидан илгарилаб кетди.

• 57'

  Тўп назорати Саутгейт шогирдлари томонда бўлиб турибди.

• 54'

  Рахим Стерлинг тезликда рақибидан ўтиб кета олмади.

• 52'

  Чехлар ҳужум уюштиришга ҳаракат қилмоқда. Аммо рақиб яхши қаршилик кўрсатяпти.

• 50'

  Хендерсоннинг узатмасидан сўнг Кейн тўпни тўхтата олмади.

• 48'
  

  Тайм бошида чехлар бурчак зарбасига эга бўлди. Аммо бу ҳеч қандай наф келтирмади.

• 46'
  

  Иккинчи тайм бошланди!

• 46'
  

  Бўлимлар оралиғида ҳар икки жамоада ўзгариш: Чехларда  Севчик ўрнига Янкто, инглизлар сафида Райс ўрнига Жордан Хендерсон майдонга тушди.

• 45'
  

  Биринчи таймга вақт қўшилмади. Танаффус!

• 43'
  

  Харри Кейннинг чап оёқда берган зарбасини дарвозабон қайтарди. Офсайдда турган Стерлинг такрорий зарба беришни истамади.

• 41'

  Кайл Уокер пас беришни уддалади. Аммо тўп шерикларига қадар етиб бормади.

• 39'

  Саканинг жарима майдони марказига етказиб берган тўпини ҳимоячилар узоқлаштирди.

• 37'
  

  Шоунинг зарбасидан кейин рекошет натижасида тўп дарвоза томон йўналди. Вацлик жамоасини голдан сақлаб қолди.

• 35'

  Томаш Соучекнинг жарима майдони ичидан берган зарбасига бироз аниқлик етишмади. Анча хавфли вазият.

• 34'

  Саутгейт шогирдлари рақиб жарима майдони атрофида тўпни назорат қилмоқда.

• 32'
  

  Букайо Саканинг фаол ҳаракатлари жамоасига бурчак тўпи ишлаб берди.

• 30'

  Чехияликлар нисбатан фаолроқ ҳаракат қиляпти. Айни дам гол уларга кўпроқ керак.

• 28'
  

  Холеснинг узоқ масофадан йўллаган кучли зарбасини Пикфорд қайтарди.

• 26'
  

  Яқин масофадан аниқ зарба йўллаган Кейннинг уринишидан кейин Вацлик хавфни бартараф этди.

• 24'

  Жарима майдонига оширилган тўпни Уокер дарвозабонга оҳиста ташлаб берди.

• 22'

  Жамоадоши узатган тўпга Масопуст ета олмади.

• 20'

  Айни дақиқаларга келиб тўп назорати номинал мезбонларда бўлиб турибди. Эндиги сафар номинал сўзини ишлатмай тўғридан тўғри таъриф беришга рухсат берасиз.

• 17'

  Такрорий лавҳалар шуни кўрсатдики, ҳакам қарор чиқаришда адашди.

• 17'

  Жарима майдони остонасида Сака йиқилиб тушди. Ҳакам унга ўрнидан туриши кераклигини таъкидлади.

• 16'

  "Уч шерлар" жарима майдони яқинида стандарт вазиятга эга бўлди.

• 14'

  Патрик Шик ўйиндан ташқари ҳолатда қолиб кетди.

• 12'
  

  ГОООООООЛ! Учрашувда ҳисоб очилди!

  Грилишнинг узатмасидан кейин Стерлинг боши билан дарвозани ишғол этди.

• 10'

  Соунзнинг зарба аралаш узатмасига аниқлик етишмади.

• 7'

  Чехлар ҳимояда ишончли ҳаракат қилиб, қарши ҳужумларда ўз омадини синаб кўряпти.

• 5'

  Номинал меҳмонларнинг фаоллиги кўзга ташланмоқда.

• 2'

  Инглизлар илк дақиқалардан олдинга ўтди. Бирга-бир вазиятдан зарба берган Стерлинг дарвоза устунини пойлади.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!