Evro-2020ning mukofot jamg‘armasi 371 mln evro bo‘ladi

Bratislava shahrida UEFAning navbatdagi kongressi bo‘lib o‘tdi. Unda ijroqo‘m a’zolari bir qator moliyaviy masalalarni ko‘rib chiqishdi.

Berilgan ma’lumotlarga qaraganda tashkilot Evro-2020da ishtirok etadigan 24ta terma jamoa uchun mukofot jamg‘armasini oshirmoqchi. Ta’kidlash lozimki, UEFA Frantsiya yashil maydonlarida bo‘lib o‘tgan Evro-2016ning mukofot jamg‘armasiga yana 70 mln evro qo‘shdi va umumiy ko‘rsatgichni 371 million evroga etkazishga qaror qildi.

Musobaqa g‘olibi esa umumiy hisobda 34 mln evroni qo‘lga kiritsa, ishtirokchilarning har biri 9,25 mln evrodan foyda ko‘radi.