Европа чемпионатига Қозоғистон мезбонлик қилиши мумкин

УЕФА Литва ва Латвиянинг Беларус терма жамоасини ўз майдонларида қабул қилишдан бош тортгани сабабли футзал бўйича Европа чемпионатини бошқа мамлакатга кўчириш вариантини кўриб чиқмоқда. Турнир 2026 йил 18 январдан 8 февралгача Рига ва Каунасда ўтказилиши режалаштирилган эди.

Белоруслар саралаш гуруҳида биринчи ўринни эгаллаб, чемпионатга йўлланма олган. Литва футбол федерацияси президенти Эдгарс Станкявичюснинг айтишича, УЕФА муаммони ҳал қилишнинг турли вариантларини кўриб чиқмоқда, бироқ турнирни бошқа жойга кўчиришни ҳам истисно этмаяпти.

"Бундай вариант, албатта, мавжуд. Тўғри, бу сўнгги чора, бироқ, у ҳам ҳақиқий имконият," - дея Станкявичюснинг сўзларини келтиради "Sputnik".

Маълум бўлишича, агар шундай бўлса, Қозоғистон Европа чемпионатини ўтказишга тайёрлигини билдирган.