Европа клублари “Барса”ни янги шартномага мажбур қиляпти

Испания чемпионатининг амалдаги ғолиби “Барселона” жамоанинг ҳужумкор футболчиси Фермин Лопес билан янги шартнома имзолаш масаласини кун тартибига қўйишни кўриб чиқмоқда.

Бунга иқтидорли ўйинчининг харидорлари кўпайиб кетгани, бир неча клублар, хусусан, молиявий жиҳатдан қудратли бўлган “Челси” уни олишга жиддий ҳаракат қилаётгани сабаб бўлди.

Бу ҳақда Transfer News Live хабар қилди.

Клуб 22 ёшли испан футболчисига маош оширилган янги битим ва амалдаги шартномани яна икки йилга узайтириш таклифини бермоқчи. Ҳозирги шартнома 2029 йилда якунланади.

Ёзда “Челси” томонидан Фермин Лрпес учун 40 миллион евролик таклиф бўлган, аммо бу суммани “Барселона” раҳбарияти жиддий қабул қилмаган эди. Энди ёзда бу масала қайта жонланиши кутиляпти.