Европа лигаси. Бугун "Севилья" ва "Шахтёр" ўйнайди

Европа лигаси учрашувлари Германиянинг 4 та шаҳрида марказлашган ҳолда ўтказилмоқда. Бугун мусобақанинг чорак финалидан ўрин олган яна 2 та ўйин бўлиб ўтади.

Гельзенкирхендаги “Фельтинс-Арена”да “Шахтёр” ва “Базель” учрашуви бўлади. Дуйсбургдаги “МСВ-Арена”да “Вулверхэмптон” ҳамда “Севилья” жуфтлиги ўзаро беллашади.

Юқоридаги ўйинларнинг иккаласи ҳам Тошкент вақти билан соат 00:00 да старт олади.

Кечаги чорак финал беллашувларида “Интер” ва “Манчестер Юнайтед” ярим финал йўлланмаларини қўлга киритган эди.