Фабиньо Фирмино сабабли "Ливерпуль"ни танладими?

"Ливерпуль" ярим ҳимоячиси Фабиньо "Монако"дан "қизиллар" сафига ўтишида жамоадоши Роберто Фирминонинг ўрни катта бўлганлигини айтиб ўтди.

"Ливерпуль"га кўчиб ўтиш олдидан Бобби (Фирмино) билан клуб, шаҳар ва туманлар ҳақида суҳбатлашдим. Янги жамоага ўтиш жараёнида сен билан ҳамюртинг бирга бўлиши ёқимли эди, шу боис дўстлигимиз муҳим ролни эгаллади", - дейди Фабиньо Liverpool Echoга берган интервьюсида.

Эслатиб ўтамиз, "Ливерпуль" ўтган ёзда Фабиньо трансфери учун 45 миллион евро сарфлаган эди. Жорий мавсумда бразилиялик ярим ҳимоячи 22та учрашувда 1 бор гол уришга ҳамда 2та голли узатма оширишга эришди.