Факт! Аргентина ярим финалга чиққан учрашувларида умуман ютқазмайди

Аргентина терма жамоаси ЖЧ-2022 1/2 финалида Хорватияни мағлуб этди (3:0). "Альбиселесте" 6 марта турнир финалига йўл олди. Ушбу кўрсаткич ЖЧ тарихидаги иккинчи энг яхши натижа ҳисобланади.

Рекорд Германия терма жамоасига тегишли. Бундестим жаҳон чемпионатининг ҳал қилувчи ва сўнгги босқичига жами 8 марта чиқишни уддалаган бўлса, уларнинг тўрттасида бош совринни қўлга киритган. 

Аргентиналиклар эса икки карра жаҳон чемпиони ҳисобланишади. Шуни ҳам қўшимча қилиш мумкинки, жанубий америкаликлар ярим финалга чиққан мундиалларида умуман мағлубиятга учрамаган.

Эслатиб ўтамиз, ЖЧ-2022 финалида Аргентина Франция – Марокаш учрашуви ғолиби билан ўйнайди.