Факт! "Бухоро" охирги марта "Қизилқум"ни 5 йил олдин мағлуб этган

Суперлиганиг 2-туридан ўрин олган "Қизилқум" - "Бухоро" учрашуви бўлиб ўтди. Ўйин 1:0 ҳисобида мезбонларнинг ғалабаси билан тугади.

Аҳамиятлиси, бухороликлар охирги 5 йил ичида "олтин изловчилар"ни мағлуб эта олмаяпти. 2018 йил Навоийда бўлиб ўтган баҳсда "кўҳна шаҳарликлар" худди бугунгидек 1:0 ҳисобида ғалаба қозонган. Шундан кейин ўтказилган 4 беллашувда 3 дуранг ва 1 мағлубият қайд этилган (статистика фақат Суперлига доирасида ҳисоблаб чиқилган).

Маълумот ўрнида, "Бухоро" айни пайт турнир жадвалида 3 очко билан ҳозирча 5-ўринда бормоқда.