ФАКТ! "Сурхон" сафарда "Металлург"ни мағлуб этмаган

Бугун Суперлига 14-туридан ўрин олган "Металлург" - "Сурхон" учрашуви бўлиб ўтади. Бекободликлар мазкур беллашув олдидан маълумотларни тақдим этди.

Мазкур жамоалар кучлилар сафида бугунгача 19 бор тўқнаш келишган бўлиб устунлик пойтахт вилояти вакиллари томонида. Бекободликлар 9 учрашувда ғалаба қозонган, 7 ўйинда кучлар тенг келган, 3 баҳсда эса термизликлар зафар қучишган. Киритилган ва ўтказиб юборилган тўплар фарқи “Металлург” фойдасига: 23-16. Ушбу ўйинларда пойтахт вилояти вакиллари 34, сурхондарёликлар эса 16 очколик бўлишган.

Бекободда кечган 9 учрашувда “Металлург” тўлиқ ташаббусга эга бўлган. Майдон эгалари 8 та ўйинда рақибларини таслим этган бўлса, фақат 1 та ўйинда кучлар тенг келган. Киритилган ва ўтказиб юборилган тўплар фарқи: 15-3, “Металлург” фойдасига.

Бу йилги мавсумни айнан Термизда “Сурхон”га қарши ўйин билан бошлаган “Металлург” сўнгги дақиқада ўтказиб юборилган гол эвазига 0:1 ҳисобида мағлубиятга учраган эди. Учрашув тақдирини ҳакам томонидан қўшиб берилган компенсация вақти – 90+1 дақиқада Жасурбек Ёқубов киритган гол ҳал этганди.

Мазкур жамоаларнинг Бекободда бўлиб ўтган барча учрашувлар натижалари:

29.11.2020 “Металлург” – “Сурхон” – 1:0
30.11.2019 “Металлург” – “Сурхон” – 2:0
18.09.2004 “Металлург” – “Сурхон” – 1:0
23.08.2003 “Металлург” – “Сурхон” – 2:0
02.11.2002 “Металлург” – “Сурхон” – 1:0
13.03.2001 “Металлург” – “Сурхон” – 2:1
06.08.2000 “Металлург” – “Сурхон” – 2:1
06.11.1999 “Металлург” – “Сурхон” – 1:1
23.09.1998 “Металлург” – “Сурхон” – 3:0