Farg‘ona viloyati hokimi "Qo‘qon-1912" jamoasi bilan uchrashdi

Farg‘ona viloyati hokimi "Qo‘qon-1912" jamoasi  bilan uchrashdi.

"Kecha "Qo‘qon-1912" jamoasiga qarashli markaziy stadioniga  Farg‘ona viloyati hokimi, viloyat futbol assotsatsiyasi prezidenti Hayrullo Bozorov, viloyatning mansabdor shaxslari , Qo‘qon shahar hokimi Marufjon Usmonov va viloyat federatsiyasi ma’sul hodimlari tashrif buyurdilar.

Viloyatimiz hokimi jamoamiz murabbiylari va futbolchilari bilan uchrashdilar. Uchrashuv davomida Hayrullo Hayitbaevich "Qo‘qon-1912" jamoasining so‘nggi turlardagi ko‘rsatayotgan o‘yinidan mamnun ekanliklarini, ayniqsa, "Paxtakor" jamoasi bilan so‘nggi turdagi durang natijasi nafaqat Qo‘qon shahri futbol muxlislari, balki Farg‘ona viloyati futbol ixlosmandlari ham xursand bo‘layotganini ta’kidlab, jamoamiz a’zolariga ushbu natijalar uchun minnatdorchilik bildirdilar. Shuningdek, jamoamizning keyingi o‘yinlariga ham omad tiladilar.

Shuningdek, viloyatimiz hokimi kelasi yil uchun reja ishlab chiqish kerakligi bo‘yicha "Qo‘qon-1912" jamoasi rahbariyatiga topshiriq berdilar. Keyingi mavsumda jamoamizga sovrindorlar qatoridan joy olish vazifasi ham qo‘yildi. Vazifa yo‘lida Xayrullo Bozorov maksimal ko‘mak berishlarini ham ta’kidlab o‘tdilar. 

Shu qatori, "Qo‘qon-1912" jamoasiga ko‘rsatilayotgan ko‘mak uchun viloyatimiz hokimiga jamoamiz  nomidan "Qo‘qon-1912" jamoasi rahbari Akramjon Mamadaliev o‘z minnatdorliklarini bildirdilar. 

Shuningdek bosh murabbiyimiz Bahromjon Haydarov va jamoamiz sardori Iqboljon Malikjonovlar ham viloyat rahbariga o‘z minnatdorchiliklarini  bildirib, oldimizda turgan so‘nggi ikkita bahsda ham maksimal natija ko‘rsatib, viloyatimiz va shahrimiz muxlislarini xursand qilishga va’da berishdi. 

Uchrashuv yakunida jamoamiz a’zolari yakunlanayotgan mavsumni yuqori notada yakunlab, kelasi mavsumga puhta  tayyorgarlik ko‘rishlarini ham ta’kidlab o‘tishdi.

Uchrashuvdan so‘ng jamoa a’zolari bir dasturhon atrofida jam bo‘lishdi", - deya xabar berdi qo‘qonliklar matbuot xizmati.