Фати қаерга кетяпти?

“Барселона”нинг энг иқтидорли тарбияланувчиларидан ҳисобланган Ансу Фати фаолиятининг бошида кетма-кет оғир жароҳатларга йўллиқанидан кейин мана бир неча мавсумдан бери илгариги даражасига чиқа олмаяпти.

Бунинг оқибатида “Мессининг вориси” деб эътироф этилган юлдуз “Барселона” таркибига кира олмай қолди. Ўтган мавсумда Англия Премьер-лигасида ижара асосида “Брайтон” шарафини ҳимоя қилган Фати бу гал Испаниядан янги иш жойи топди.

TodoFichajes нашрининг маълум қилишича, 21 ёшли футболчи “Севилья”да ижара асосида ўйнайдиган бўлди.

Бу трансфер амалга ошиши учун клублар ўйинчининг маоши бўйича бир тўхтамга келиши керак. Андалусияликлар қимматбаҳо футболчи маошининг 35 фоизидан ортиғини тўлай олмаслигини таъкидлаяпти. Бундан ҳолатда ё Ансу Фати талабини пасайтириши, ёки каталонияликлар маошнинг қолган қисмини тўлашни бўйнига олиши керак.