Фати "Реал"га қарши ўйинда жароҳат олгани маълум бўлди

Сўнгги 78 йил ичида ўтказилган “эл-класико”ларда дебют қилган энг ёш футболчи Анссумане Фати 18 декабрь куни бўлиб ўтган “Реал”га (0:0) қарши ўйинда жароҳат олгани маълум бўлди.

Таъкидлаш керакки, Фати гарчи ўйин тугашига 8 дақиқа қолганида майдонга тушган бўлсада, рақиб ҳимоячиси Дани Карвахалдан кучли зарба қабул қилиб олишга улгурди.

AS нашри тарқатган хабарга кўра Фати эртага “Алавес”га қарши бўладиган баҳсни ўтказиб юборади.

Маълумот учун, Фати жорий мавсум “Барселона” сафида 13 та ўйинда майдонга тушди ва рақиблари дарвозасига 3 та гол уришга эришди.