Фати узоқ вақт "Барселона"га ёрдам бера олмайди

"Барселона" футболчи Ансу Фати қачон майдонга қайтиши борасида янги тафсилотлар пайдо бўла бошлади. 

"AS" нашри тарқатаётган хабарга кўра, испаниялик ҳужумчи апрель ойининг сўнггига қадар ўйинларда иштирок эта олмайди. У сонидан олган жароҳати туфайли анча вақтдан буён майдонга туша олмаяпти. Фатининг ўзи "Реал" билан ўйинга қадар тузалишни режалаштирган. Бироқ "кўк-анорранглилар" мураббийлар штаби бу масалада шошилмоқчи эмас. 

Клубнинг фикрича, 19 ёшли иқтидор эгасининг тикланиши учун 10 ҳафта, формага қайтиши учун эса 2-3 ҳафта керак. 

Эслатиб ўтамиз, "Реал" - "Барселона" учрашуви 20 март санасида бўлиб ўтади.