Файзуллаев Европага кетмоқчи эди...

Россия Премьер-лигасида ёзнинг энг омадли трансферларидан бири Аббосбек Файзуллаев бўлди.

Август ойининг бошида “Пахтакор”дан Москванинг ЦСКА клубига кўчиб ўтган 19 ёшли футболчимиз легионер мақомидаги фаолиятини жуда муваффақиятли бошлади. Аббосбекка бошланғич таркиб ўйинчисига айланиши учун бир учта ўйин кифоя қилди.

Ёш легионеримиз голлари ва ассистлари ҳисобини ҳам очишга улурди. Айни пайтда Россия футбол жамоатчилиги орасида Аббосбек Файзуллаев энг кўп муҳокама қилинаётган футболчилардан бири бўлиб турибди.

Россиянинг https://metaratings.ru сайти футболчининг биринчи мураббийи Дмитрий Анга саволлар билан мурожаат қилди.

– Аббосбек Файзуллаев ЦСКА таркибига “Ростов”га қарши ажойиб ўйин ўтказди. Голли ҳужум ташкил қилди ва ўзи ҳам тўп киритди. Унинг Россиядаги муваффақиятларини кузатиб боряпсизми?

– Албатта. Ўзбекистонда қўшимча каналларга уланиш имконини берадиган хусусий компаниялар бор. Улар орқали Россия чемпионати ўйинларини томоша қилиб бораман.

Аббоснинг ЦСКАдаги стартини омадли бўлди,  дейиш мумкин. У жамоага яхши қўшилиб кетди. Терма жамоаларнинг саралаш учрашувлари вақтида Аббос Ўзбекистонга келди, у билан учрашиб, суҳбатлашдик. Унинг муваффақиятларидан жуда хурсандман. Файзуллаевнинг омадли ўйинларидан кейин танишларим ҳам мени табриклашни бошлади.

– Аббос ЦСКАни танлаганида унинг қарорини қўллаб-қувватладингизми?

– Аббос ЦСКАга ўтишдан бироз аввал у билан учрашдик. У пайт ҳали якуний қарорга келмаган эди. Мен унга ЦСКАга ўтишни маслаҳат бердим. У “Мен Европага боришни истайман”, деган эди. Мен унга “Аббос, ҳозир сенга Европа чемпионатларидан аниқ таклиф йўқ. ЦСКА жуда зўр трамплин бўлади”, деб жавоб қилдим.

Қолаверса, Россия футболининг даражаси Ўзбекистонникидан юқори.

Дарҳақиқат, Аббосбек Файзуллаев “Пахтакор” тарбияланувчиси ҳисобланади. Ёш бўлишига қарамай, жамоанинг асосий ўйинчилари қаторига қўшилган эди.

19 ёшли ярим ҳимоячи жорий йил давомида 20 ёшгача бўлган футболчилар ўртасида Тошкентда ташкил этилган Осиё чемпионати ва Аргентинадаги жаҳон чемпионатида юқори савияда ўйин кўрсатиб, бир неча клублар скаутлари назарига тушди.

Файзуллаев Осиё чемпионатининг ғолиби ва турнирнинг энг яхши ўйинчиси совринига сазовор бўлди.

 “Пахтакор” раҳбарияти Файзуллаевга бўлаётган таклифларга қарамай, уни уни ўз сафида олиб қолишга ҳаракат қилди. Бироқ Аббосбек кучини хорижда синаб кўришга қарор қилди. Файзуллаев клуб билан битимдаги банддан фойдаланиб,  ўзининг шартномасини сотиб олди ва Россияга йўл олди.

ЦСКА ўзбек футболчиси билан 3+1 кўринишида шартнома тузди.

“Ўрунов Неймарга қарши ўйнаб юрибди”: Россияликлар Осиёга ўтмоқчи! (фото)

Файзуллаев қаерда ўйнаши кераклигини айтишди

Шомуродовдан гол уришни талаб қилишяпти!

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Фанатлар Шомуродовдан нимани талаб қиляпти?

Шомуродовдан қандай қилиб максимум фойда чиқариш мумкин?