Файзуллаев ҳали ҳеч ким қайд этмаган натижага эришди

Аббосбек Файзуллаев фаолиятида қизиқарли ҳолат юзага келди. Легионеримиз Россия Премьер-лигасининг биринчи қисмини якунлаб, ҳордиқ чиқаришга ҳам улгурди ва Ўзбекистон миллий терма жамоасининг Бирлашган Араб Амирликларидаги ўқув-машғулот йиғинига қўшилди.

20 шли легионеримиз ЦСКАдаги фаолиятини бошлаши билан бир неча индивидуал совринларга эга чиқди. Аббосбек Файзуллаев ЦСКАнинг ҳар ойдаги энг яхши ўйинчиларини аниқлаш учун ташкил этилаётган сўровномаларда ҳеч кимга имконият бермаяпти.

Ҳужумкор футболчимиз жамоасининг сентябрь ва октябрь ойларидаги энг яхши футболчиси сифатида эътироф этилиб, махсус совринлар билан тақдирланди.

ЦСКА мухлислари ноябрь ва декабрь ойлари давомида энг яхши ўйин кўрсатган чарм тўп устасини аниқлаш учун ўтказилган сўровномада ҳам Файзуллаевни ушбу номга муносиб топди.

Аббосбек Файзуллаев Россия Премьер-лигасида ўйнаган легионерларимиз орасида кетма-кет тўрт ойдан бери жамоасининг энг яхши футболчисини номини ўзида сақлаб келаётган ўзбек футболчисига айланди.

Ҳали ҳеч бир легионеримизга кетма-кет ой лауреати бўлиш насиб қилмаган эди.

Sports.uz сайти ЦСКА мухлисларининг Аббосбек Файзуллаев ноябрь ва декабрь ойларининг энг яхши футболчиси номига сазовор бўлгани борасидаги фикрларини ўзбекистонлик футбол ишқибозлари эътиборига ҳавола этади.

Катя:

Аббосбек Файзуллаев – жамоанинг ҳақиқий етакчиси номига муносиб.

Санечка:

Аббос – гений!

Егор Фокин:

Аббос, қишда бошқа жамоага кетиб қолма, сен бизга кераксан!

Тихилов Олег:

Ўзбек футболчиси яқинда кучли чемпионатга жўнайди. Минимум Туркия, максимум Италия чемпионати бўлади.

Артём:

Кетма-кет бир неча ойдан бери энг зўр ўйинчи бўлаётганидан Аббоснинг ўзи ҳам ҳайратда бўлса керак.

Н.К:

Осиё кубогида Аббосга омад тилаймиз.

Макс Малинин:

Энди Акинфеев энг зўр футболчи бўлолмайди.

78:

Катта клублар ёзда Файзуллаевни олиб кетади. Буни ҳис қилиб турибман.

Влад:

Аббосни табриклайман, ўз ўйинлари билан бу совринларга муносиб эканини кўрсатди.

Карина:

Аббос асосий футболчимиз.

Санчо:

Файзуллаев жамоага янги келганида унга ҳеч ким ишонмаган эди...

Игорь Дивеев:

Ким ўйинни майдондан томоша қилса, Файзуллаев ҳақиқатан югуриб тер тўкаётгани ва кўзи ёниб турганини кўради.

Денис:

7 миллион еврога олинган Давила ўзбек футболчисининг соясида қолиб кетди.

Михаил:

Бунга ҳеч ким шубҳа қилмаганди.

Файзуллаев бўлмаганида аҳвол яна ҳам оғирлашарди!

Файзуллаевнинг ҳақиқий маҳоратини баҳорда кўрасизлар!