Файзуллаев мени ҳайратга солиши керак!

Москванинг “Локомотив” клуби афсоналаридан Владимир Маминов Россия Премьер-лигасидаги легионерларимиздан бири Аббосбек Файзуллаев ҳақидаги саволларга жавоб берди.

Маминов ўзбек футболи учун бегона эмас. Ўз даврининг энг зўр ярим ҳимоячиларидан бўлган бу футболчи Ўзбекистон миллий терма жамоасида ўйнаган. У 2001-2005 йиллар давомида миллий терма жамоада 12 маротаба майдонга тушиб, рақиблар дарвозасини уч марта ишғол қилган.

Владимир Маминов “Локомотив” сафида икки каррадан Россия чемпиони ва Суперкубок ғолиби, беш карра Россия кубоги соҳиби, МДҲ чемпионлар кубоги чемпиони бўлган.

Журналистлар Владимир Маминовдан Аббосбек Файзуллаев ҳақидаги саволларга жавоб беришни сўради.

— Файзуллаевнинг ЦСКАга трансфери унинг фойдасига ишлайдими?

— Буни аниқ айта олмайман. Чунки ҳали бў ўйинчини яхши билмайман.Лекин Аббосбек мени ҳайратга солишига умид қиламан.

— Унинг антропометрик кўрсаткичлари пастроқ. Буни ниманинг эвазига қоплай олади?

— ЦСКАда тажрибали селекционерлар ишлайди, деб ҳисоблайман. Файзуллаевнинг бошқа сифатлари эвазига олишгандир, хусусан, тезкорлик, техникасининг кучлилиги ва ақлли футболчи экани каби.

Буни ҳали билиб оламиз. Замонавий футболчи ақлли футболчиларнинг қадри тобора ошиб бормоқда.

Аббосбек Файзуллаев “Пахтакор” фубол клуби тарбияланувчиси ҳисобланади. Ҳужумкор футболчи 2021 йилнинг бошида “Пахтакор”нинг асосий таркибига қабул қилинган эди. Майдондаги асосий позицияси ўнг қанот ҳужумчиси эканига қарамай, Аббосбек марказда ва чап тарафда ҳам ишончли ўйнай олади.

Универсал футболчи Ўзбекистон Суперлигаси “Пахтакор” учун жами 33 та ўйин ўтказиб, еттита гол ва учта ассист қайд этган. Мамлакат кубогида учта учрашувда бир жуфт тўп киритган.

Осиё Чемпионлар лигасида етти маротаба майдонга тушиб, битта гол уришга муваффақ бўлди.

Аббосбек кўплаб клублар нигоҳида Ўзбекистон ёшлар терма жамоасидаги ўйинлари орқали тушди. 20 ёшгача футболчилардан таркиб топган жамоамиз 2023 йилнинг бошида Тошкентда ўтказилган Осиё чемпионатида ғолиб чиқди. Аббосбек Файзуллаев шу мусобақанинг энг яхши футболчиси бўлди.

Ёзда футболчиларимиз Аргентинадаги жаҳон чемпионатида тўп тепди. Файзуллаев мундиалда ҳам ўз маҳоратини намойиш қилди.

Истеъдодли ўйинчи бир неча клублар қизиқиш билдираётганига қарамай, фаолиятини ЦСКАда давом эттиришга қарор қилди.

Аббос Россия Премьер-лигасида икки маротаба захирадан ўйинга қўшилди. 19 футболчимиз Россия кубоги доирасидаги бир учрашувни бошланғич таркибда бошлади.

Айни пайтда Файзуллаев ЦСКА ички рақобатида ғолиб чиқиб, асосий таркибдан жой олишга ҳаракат қилмоқда.

Шомуродовга ёрдам керак!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Италиялик мухлислар Шомуродовни муҳокама қилмоқда: яхши гап ҳам, танқид ҳам етарли!

Ҳусанов жамоаси ҳақида ҳайратланарли факт!

Шомуродов трансфери ўзини оқлайдими?

Фанатлар Шомуродовдан нимани талаб қиляпти?