Файзуллаев “Наполи”да осонликча ўйнаб кетади

Бугунги кунда Россия Премьер-лигасининг аксарият мухлису мутахассислари, мураббийлари ЦСКАдаги ўзбек легионери Аббосбек Файзуллаевнинг фаолиятини катта қизиқиш билан кузатиб боряпти.

Россия футболини ёритиб келаётган https://football24.ru сайти ҳужумкор футболчимизнинг фаолиятига назар ташлаб, Файзуллаевнинг бир ўзи салоҳият бобида “Спартак”нинг юлдуз ҳужумчиларидан кучлироқ эканини шарҳлаб берди.

Sports.uz портали ўзбекистонлик футбол ишқибозлари эътиборига ушбу таҳлилий мақолани ҳавола этади.

Биринчи қисм:

Файзуллаев келажакни кутишни истамади!

Иккинчи қисм:

Файзуллаев қиммат юлдузларни сўндириб қўйди!

Учинчи қисм:

Файзуллаев ҳали Европага кетади

ЦСКА келажакда Файзуллаевнинг трансферидан ҳали даҳшатли сумма ишлаб олади. Аббосбек “армиячилар” сафида футболчи сифатида бироз чиниқиб олиши ва кейинроқ кучли лигаларга йўл олиши керак.

Бир неча мавсумдан кейин Италия чемпионатида осонликча ўйнаб кета олади. Ўша “Наполи” фаолиятини давом эттириши учун  жуда мос тушади. Ҳа, ҳозир уларда чап қанотда Хвича Кварацхелия порлаяпти, лекин Аббоснинг устунлиги чап қанотдан ташқари ўнг тарафда ҳам самарали ўйнай олишида.

Аббосбекка кўз тегмаслиги учун Европанинг бошқа лигаларидан топ-клубларни танламаймиз. Лекин ўзбек футболчисининг бу борада салоҳияти жуда юқори, эканини яна бир қайта такрорлаймиз.

Футбол ўйнашни Аббосдан ўрганинг

Файзуллаев ҳозирнинг ўзида Россиянинг ёш футболчиларига олдинги чизиқда дадил, енгил ва таваккал қилиб, қўрқмай ўйнаш кераклигини кўрсатяпти.

Аббос финтларни юзида табассум билан амалга оширишига ҳеч эътибор берганмисиз?! Унинг юз-кўзидан бу алдамчи ҳаракатлари унинг учун жуда осонлиги кўриниб турибди. Бизнинг кўп футболчиларимиз майдонга тиззаси қалтираб, хато қилишдан қўрқиб тушади. Бундай қилиб, ҳеч нарсага эришиб бўлмайди. Футбол шунинг учун ҳам ўйин ҳисобланади, машаққат эмас.

Файзуллаев ўйиндан роҳат олади ва буни чиройли уддалайди. ЦСКА бош мураббийи ладимир Федотов буни тасдиқлаб, шундай дейди:

“Аббосбекнинг функционал ва техник имкониятлари юқори. Энг муҳим хислатларидан бири – футболни яхши тушуниши, уни яхши кўриши ва ўйинга борини бағишлашидир”.

Аббосбек Файзуллаев эришган даражасида қотиб қолмаслиги ва мана шу тезликда ўсишишига умид қилиб қоламиз.