Файзуллаев ЦСКАдаги муаммолар ҳақида гапирди

Москванинг ЦСКА клуби ярим ҳимоячиси Аббосбек Файзуллаев "армиячилар" жамоасининг имкониятларни амалга оширишдаги муаммолари ҳақида гапирди. Футболчининг таъкидлашича, клуб ҳар бир ўйинда кўп имкониятлар яратади, аммо голли вазиятларни голга айлантириш устида ишлаш керак.

- ЦСКА деярли ҳар бир учрашувда етарлича имкониятлар яратмоқда. Яна бир муаммо шундаки, ҳужумларни якунлашни яхшилаш керак. Биз бу борада ишлаяпмиз. Умид қиламанки, яқин орада биз бу муаммони ҳал қиламиз, - дея Файзуллаев сўзларини келтиради "Bobsoccer".

Олтинчи турдан сўнг ЦСКА Россия чемпионати турнир жадвалида 10 очко билан олтинчи ўринда бормоқда. Жамоа учта ғалабага эришди, иккита мағлубият аламини тотиб кўрди, яна бир учрашув дуранг билан якунланди.