Фергюсон Роналдуни "Барселона"га сотмоқчи бўлгани ҳақида эшитганмисиз?

"Реал" Мадрид клуби собиқ президенти Рамон Кальдерон португалиялик ҳужумчи Криштиану Роналду МЮда ўйнаб юрган пайтларида “Барселона”га ўтиши мумкин бўлгани ҳақида гапирди.

“Мен Криштиану билан 2007 ва 2008 йилларда музокаралар ўтказганман. “Манчестер Юнайтед” эса ўз етакчисини сотишни хоҳламаган, аммо Роналду ўзи нима хоҳлаётганини жуда яхши тушунган. У “Реал”га ўтишни истаган.

Фергюсон Роналдуни қўйиб юборишни хоҳламаган, уни “Реал”га сотишни истамаган. У Криштианунинг хизматларини “Барселона”га таклиф қилган. Бундан эса каталонияликлар жуда хурсанд бўлишди, лекин Роналду ўшанда “Реал” олдида қарздор эканини ҳис қилди”, - дейди Кальдерон.

Роналду 2009-2018 йилларда “Реал” шарафини ҳимоя қилди ва шундан сўнг 117 млн евро эвазига “Ювентус”га кўчиб ўтди.