Ферран Торрес "Барселона"ни нега тарк этгани асл сабаби ошкор бўлди

Ёзги трансфер ойнасидан сўнг ҳужумчи Ферран Торрес «Барселона»ни тарк этиб, ПСЖ сафини тўлдирди. Париж клуби бу келишув учун тахминан 50 миллион евро тўлади.

RAC1 манбаси хабар беришича, Торрес «Барселона»да доимий равишда асосий таркибдан жой олишга лойиқлигини таъкидлаб келган. Унинг клубни алмаштиришга қарор қилишига ҳам айнан шу ишончи таъсир қилган.

Шу билан бирга, форвард «Камп Ноу» трибуналаридаги кайфиятни тўлиқ ҳис қилмаган кўринади. Маълумотларга кўра, «Барселона» мухлисларининг бир қисми ундан норози эди – айниқса, ўйинлар пайтида йўқотиб юборилган гол имкониятлари ортидан танқидлар кучайган.

Ферран Торрес «Барселона» шарафини 2022 йилдан 2026 йилгача ҳимоя қилди. Энди эса у ПСЖ билан 2031 йил ёзигача мўлжалланган шартнома асосида ҳаракат қилади.