Февзи Давлетов "Сурхон"нинг навбатдаги мағлубиятидан сўнг қандай фикр билдирди?

“Сурхон” – “Андижон” (2:3) ўйинидан кейинги матбуот анжуманининг иккинчи қисмида термизликлар бош мураббийи Февзи Давлетов ўз фикрларини билдирди.

- Кутилган принцилиал рақибга қарши яхши тайёргарлик кўргандик. Стандарт вазиятларга эътибор қаратгандим. Рақиб жамоани бу борада устун эканликларини билардик. Қаердир уддаладик, қаердадир вазиятни кўздан қочирдик. Ҳужумда тажовузкор ўйин кўрсатишини айтган эдим, яна гол уришимиз керак эди.

- “Сурхон” чемпионатни учта мағлубият билан бошлади. Нима бўляпти, жамоага?

- Биз ҳозир оптимал таркибни шакллантиряпмиз. Кетма-кет ўйинлардан тушунарсиз хатолар юзага келяпти. Руҳий босимдан чиқиш жараёни кечмоқда. Хатолардан сўнг тикланиш қийин бўлмоқда. Шундай сабабларга кўра бизда муаммолар бўлмоқда.

- Энди чемпионатимизда кичик танаффус. Бу пайт давомида қандай ўзгаришларни амалга оширмоқчисиз?

Табиийки, назорат ўйини бор, бизда. Яна кўрдингиз, биз қизил карточка олдик. Егор Кримец жароҳатдан энди тикланиб қайтганди. Икки асосий ўйинчиларимизда кичик жароҳатлар бор, улар тикланиш жараёнида.

- Салбий натижалардан кейин мухлислар орасида Давлетов истеъфога чиқсин, деган гаплар ҳам йўқ эмас. Жамоада ички муҳит қандай?

- Жамоада ҳеч қандай муаммо йўқ, хаммаси жойида.

“Андижон” матбуот хизмати.