ФИФА ЖЧ-2026 учун қанча чипта сотилганини маълум қилди

2026 йилда АҚШ, Канада ва Мексикада бўлиб ўтадиган футбол бўйича жаҳон чемпионати ўйинларига миллиондан ортиқ чипта сотилди. Турнирга 212 мамлакат ва ҳудуддан мухлислар ташриф буюради. Бу ҳақда Халқаро футбол ассоциациялари федерацияси (ФИФА) ўзининг X ижтимоий тармоғидаги саҳифасида маълум қилди.

Мундиал 11 июндан 19 июлгача Шимолий Америкада бўлиб ўтади. Мусобақада 48 та терма жамоа 4 та терма жамоадан иборат 12 та гуруҳга бўлинган ҳолда иштирок этади. Жаҳон чемпионатининг плей-офф босқичига дастлабки икки ўринни эгаллаган иштирокчилар, шунингдек, учинчи ўринни эгаллаган энг яхши саккизта жамоа йўл олади. Бундан ташқари, 2026 йилги жаҳон чемпионатида янги босқич - 1/16 финал қўшилади.