ФИФА консультанти Ўзбекистон терма жамоасига қандай мураббий олиб келиш кераклигини айтди

Бугун Германия Бундеслигасида кўп йиллар фаолият олиб борган тажрибали мутахассис ҳамда ФИФА консультанти Роберт Нимен Ўзбекистон футбол ассоциациясига ташриф буюрди.

ЎФА биринчи вице-президенти Равшан Эрматов, мутасадди ва мутахассислар иштирокида Роберт Нимен билан учрашув ташкил этилди. Бундеслига вакилига Ўзбекистон футбол ассоциациясининг тузилмаси ва фаолияти, ҳудудий футбол ассоциациялар билан ишлаш, болалар-ўсмирлар футболини ривожлантириш йўлида амалдаги лойиҳалар, турли хил ёш тоифасидаги мусобақалар ташкил этиш бўйича маълумот берилди. Шунингдек, германиялик мутахассис футбол, футзал ва аёллар футболи бўйича Ўзбекистон терма жамоаларининг қайд этаётган натижалари, юртимиздаги ҳакамлик ва VAR тизимини жорий этиш бўйича қилинган ишлар ҳамда терма жамоалар учун барпо этилаётган спорт мажмуа лойиҳаси билан танишиб чиқди.

Роберт Нимен Ўзбекистон терма жамоалари биринчи навбатда жисмоний тайёргарликка жиддий эътибор қаратган ҳолда, замонавий технологиялардан фойдаланиш зарурлиги ва бу борада ишни клублардан бошлаш фойдали эканлигини таъкидлаб ўтди. Германия тажрибасидан келиб чиқиб, мамлакат футболининг муваффақияти аввало болалар-ўсмирлар футболига боғлиқлиги, ёш футболчиларни танлаб олиш ва уларни тарбиялаш учун бир неча йиллар давомида иш олиб бориш муҳимлигини айтиб ўтди.

Германияда ёш тарбияланувчиларнинг кунлик дастури умумтаълим мактаби дарслари, футбол интернат машғулотлари ва футбол учрашувларидан ташкил топган бўлади. Салкам бир аср аввал футболчиларни рўйхатга олиш тизими амалга тадбиқ этилганлиги, онлайн режимда 6-7 ёшли тарбияланувчига футболчи пасспорт берилиши ва фақатгина ушбу хужжат орқали ёш футболчилар маҳаллий чемпионатларда иштирок этиши ҳуқуқига эга бўлиши айтиб ўтилди. Барча футбол мактаб-коллежлари хусусий ва пуллик бўлганлигига қарамай, германиялик ота-оналар ўз фарзандларини ушбу машғулотларга юбораётганини айтиб, Роберт Нимен Ўзбекистондаги футболга ихтисослашган давлат муассасаларининг фаолияти ва яратилган шароитларга ижобий баҳо берди.

Шунингдек, суҳбат давомида Роберт Нимен Ўзбекистон миллий терма жамоасига бош мураббий тайинлашда машҳур номлар ҳар доим ҳам тўғри танлов бўлиб чиқмаслигини, ёш ва талабчан ҳамда ғалабага чанқоқ ёш истеъдодли мураббийлар ҳозирги футбол тенденсиясига мос тушушини алоҳида эътироф этди.

Манба: ЎФА

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
&
Турсун Ғани
18/07/2021 17:57
АНИҚ БИР НОМ АЙТИЛМАЙ ЎША УМУМИЙ ГАПЛАР АЙТИЛИБДИ. ҚАЧОНГАЧА ЎЙЛАБ , ИЗЛАБ ЮРУВУРАМИЗ. ЎЙЧИ ЎЙИНИ ЎЙЛАГУНИЧА, ТАВАККАЛЧИ ИШИНИ БИТИРИБ КЕТАДИ ДЕГАНЛАРИ ДЕК. ҲА МАЙЛИ ЯНГИЛИК БЎП ҚОЛАР. БАЛКАМ ЯНА БИР АРМАН ЧИҚИБ ҚОЛАР...
КУПЕРГА ЎХШАГАН МУАММОНИ ИЛДИЗИНИ БИЛАДИГАН, ҲИС ҚИЛАДИГАН МУРРАБИЙ КЕРАК. БИЗНИНГ МУАММО ХИМОЯДАН БОШЛАНАДИ. ШУНДАЙ ИШЛАЙДИГАН МУРРАБИЙЛАРГИ ИМКОН БЕРИШ КЕРАК. У КАСАЛ ҚИСМЛАРИМИЗНИ ТУЗАТСИН. САРАЛАШГАЧА СОППА СОҒ ҲОЛАТГА ОЛИБ КЕЛСИН. ВАҚТ ЎТИБ КЕТМОҚДА. МУРАББИЙ ДЕБ ЯНА МУРАББОЛАРГА МТЖ НИ ТОПШИРМАЙЛИК. 30 ЙИЛЛИК ХАТО ВА КАМЧИЛИКЛАРДАН ТЎҒРИ ҲУЛОСА ЧИҚАРСАК БЎЛГАНИ.
&
Kankret bola
18/07/2021 08:02
Bunaqa maslahatchilar keluradi maslahat beruradi UFF digilar siqqani bosuradi trener va o'yinchila yebqo'yurib faqat uzur so'ruradi
Shahsan man ja kotta o'zgarishla bo'lishiga ishonmiman yana odam ko'ziga ubu narsa qib qo'yishadi bo'ldi xayr JCH-2026
&
Ашуров Бахтийор
18/07/2021 06:57
Ёш талабчан ва ишга чанқоқ мураббий кераклигини мутаҳасис бўлмасакда биз муҳлислар ҳам,биламиз.Лекин ана ўша танловга келганда ақли қусир ожизлик қиладида.Мана гап қаерда?!
&
Исомиддин
18/07/2021 19:08
Ёш талабчан ,ишга чанкок мураббий хам топилар ... Лекин уни уз билганидай ишлашга куйишармикан УФФ дагилар... Хамса муаммо бизда мураббийлар эркин ишлолмайдилар...
&
Ашуров Бахтийор
18/07/2021 19:24
Тўлиқ бўлмаса хам,фикрингизга қўшилса бўлади.Четдан келганларни ичида Боб Ҳоутон ва Куперни ишлари сал кўрина бошлаган эди.Уларни ҳам ковишини тўғирлашди.Қолганлари мактаб ўқитувчилари бўлишган.Бизда мураббий танлаш ҳам,муа'мо.Масалан де Силва тарих ўқитувчиси бўлса,яна бири Юрген Гиёде германия мураббийлар уюшмасига а'зо ҳам бўлмаган.Қисқаси мени тушундингиз деб ўйлайман.Ёзай десам достон бўлиб кетади.
Nishonov Obidjon
18/07/2021 19:31
Birinchisi ochiritda choyhonani tuhtatish kerak