ФИФА Ўзбекистон қатнашадиган мундиалда дисквалификация қоидаларини ўзгартиради

Халқаро футбол федерацияси (ФИФА) 2026 йилги жаҳон чемпионати давомида йиғилган сариқ карточкалар бўйича дисквалификация қоидаларини ўзгартиришни режалаштирмоқда, деб хабар берди BBC Sport.

Манбага кўра, иштирокчилар ва ўйинлар сони ошгани сабабли, турнир давомида олинган сариқ карточкалар икки марта бекор қилинади: гуруҳ босқичидан кейин ва чорак финалдан сўнг.

Бу масала Канаданинг Ванкувер шаҳрида бўлиб ўтадиган ФИФА Кенгаши йиғилиши доирасида муҳокама қилинади.

Янгилик киритилишининг асосий сабаби – жаҳон чемпионатида қўшимча плей-офф босқичи, яъни 1/16 финал пайдо бўлганидир.

АҚШ, Канада ва Мексика мезбонлик қилаётган жаҳон чемпионатида аввалгидек 32 эмас, энди турнирда тарихида илк бор 48 та терма жамоа иштирок этади.

Ўзбекистон миллий терма жамоаси гуруҳ босқичида “К” квартетида Колубия, Португалия ва Конго Демократик Республикаси футболчилари билан рақобатлашади.