ФИФА президенти Тошкентдаги 90-мактабда янги футбол майдонининг очилишида иштирок этди
ФИФА президенти Жанни Инфантино ФИФА Арена лойиҳаси доирасида пойтахтимиздаги 90-мактабда барпо этилган янги футбол майдонининг тантанали очилиш маросимида қатнашди.
Тадбирда Ўзбекистон Республикаси спорт вазири, Ўзбекистон футбол ассоциацияси раҳбарияти ҳамда футбол фахрийлари иштирок этди. Улар болаларга ушбу майдондан унумли фойдаланиш, мунтазам шуғулланиш ва келажакда катта ютуқларга эришиш тилакларини билдирди.
Янги майдоннинг фойдаланишга топширилиши ўқувчиларни спортга жалб этиш ва улар учун қулай машғулот шароитларини яратишга хизмат қилади.
Тадбир якунида ФИФА президенти Жанни Инфантино болаларга эсдалик совғаларини улашди. Шунингдек, иштирокчилар билан биргаликда эсдалик учун фотосуратга тушди.
Фикрлар