ФИФА рейтинги янгиланди. Ўзбекистоннинг очкоси ошди, ўрни кўтарилдими?

Халқаро футбол федерацияси (ФИФА) жаҳон терма жамоаларининг 17 сентябрь ҳолатига кўра, янги рейтинг жадвалини эълон қилди.

Ушбу рейтингда Ўзбекистон миллий терма жамоаси ўз ўрнини сақлаб қолиб, рўйхатнинг 85-поғонасида турибди. Аввалги рейтингга нисбатан, миллий терма жамоамиз тўплаган очколар сони 1986 дан 1990гача ўсди.

Ўзбекистон миллий терма жамоасининг Осиё мамлакатлари терма жамоалари ўртасидаги ўрни ҳам ўзгармади. Ҳозирча, қитъадошларимиз орасида 12-поғонадамиз. Ўзбекистон Марказий Осиё вакиллари орасида жаҳон рейтингида Қирғизистон, Тожикистон ва Туркманистондан юқорида бормоқда.

Осиё жамоалари ўртасида жаҳон рейтингининг 28-поғонасида қайд этилган Япония пешқадам. Эрон ва Жанубий Корея футболчилари қитъамизнинг кучли учлигидан жой олди.

Дунёдаги терма жамоалар ўртасида Бельгия, Франция ва Бразилия ҳамон етакчилик қилмоқда.

Кучли ўнлик билан танишинг:

1 (1-аввалги рейтингдаги ўрни). Бельгия — 1773 очко

2 (2). Франция — 1744

3 (3). Бразилия — 1712

4 (4). Англия — 1664

5 (7). Португалия — 1653

6 (5). Уругвай — 1645

7 (8). Испания — 1642

8 (6). Хорватия — 1628

9 (9). Аргентина — 1623

10 (10). Колумбия — 1622

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар