ФИФА Россия ва Украина чемпионатида тўп сураётган легионерлар учун трансфер ойнасини очди

ФИФА Россия премьер-лигаси ва Украина премьер-лигаси клубларида тўп сураётган легионерлар шартномаларини 2022 йилнинг 30 июнига қадар тўхтатиш ҳуқуқига эга эканлигини маълум қилди.

Шу тариқа хорижлик футболчилар мавсумни бошқа клубларда якунлашлари мумкин бўлади.

Қайд этилишича, трансфер ойнаси 7 апрелга қадар очиқ бўлади. Хорижий клублар эса икки нафардан кўп бўлмаган футболчи билан шартнома имзолаши мумкин.

Аввалроқ УЕФА ва ФИФА Россия терма жамоаси ва клубларини барча халқаро турнирлардан четлатган эди.