ФИФА Рюдигер билан бўлган можаро сабаб, расмий иш бошлади

ФИФА Мексиканинг "Пачука" жамоаси ҳимоячиси Густаво Кабралга нисбатан интизомий текширув бошлади.  

"Reuters" нашрининг хабар беришига кўра, бунга унинг Клублар ўртасидаги Жаҳон чемпионатида "Реал Мадрид"га қарши кечган ўйиндаги хулқ-атвори сабаб бўлганлиги айтилмоқда. Гуруҳ босқичининг иккинчи тур учрашуви 22 июнь куни Шарлоттада бўлиб ўтди ва Испания жамоасининг 3:1 ҳисобидаги ғалабаси билан якунланди. Учрашувнинг якуний ҳуштаги чалингандан кейин бош ҳакам ирқчиликка қарши протоколни ишга туширди. Бу эса ФИФАнинг кейинги ҳаракатларига асос бўлди. Расмий баёнатда айтилишича, Кабрал ва  Антонио Рюдигер ўртасидаги ҳодиса юзасидан тергов бошланган. Густавонинг  ўзи ўйиндан сўнг берган интервюсида ирқчилик руҳидаги гапларни айтмаганлигини таъкидлаб, айбсиз эканлигини айтиб ўтган эди.

Эслатиб ўтамиз, "қаймоқранглилар"  26 июнь куни "Зальцбург" га қарши майдонга чиқади. Бўлажак учрашув тонгги 06:00 да старт олиши режалаштирилган.