ФИФАнинг навбатдаги онлайн саммитида жаҳон ва Осиё чемпионатларини ҳар 2 йилда ўтказиш таклиф қилинди

Хабарингиз бор, кеча ФИФАнинг навбатдаги онлайн саммити бўлиб ўтди. Унда жаҳон чемпионатини ҳар 2 йилда ўтказиш юзасидан тушунтиришлар олиб борилди. Унда ЎФА раҳбарияти ҳам иштирок этиб, бу борада фикр алмашди.

Шу ўринда, ФИФА томонидан илгари сурилаётган бир қанча лойиҳалар ҳақида тўхталиб ўтсак. Жаҳон чемпионатидан ташқари қитъа мусобақалари, жумладан Осиё кубогини ҳам ҳар 2 йиллик тизимга ўтказиш, 17 ёшлилар ўртасида ҳар йили 48 жамоадан иборат чемпионат ташкил этиш, икки йилда бир бор 24 жамоа иштирокида U20 чемпионатини ўтказиш. Яна бир вариант сифатида 16 ва 18 ёшлилар учун ҳар йили мундиал ўтказиш таклифлари илгари сурилди. Ушбу таклифлар айни вақтда жаҳон бўйлаб футбол уюшмалари томонидан қизғин муҳокама этилмоқда ва кўплаб мамлакатлар бу борада ФИФАни қўллаб-қувватламоқда.

Манба: ЎФА матбуот хизмати