Филип Хргович Александр Усик ҳамда Тайсон Фьюри жангида ким фаворит эканлигини айтди!

Оғир вазн тоифасидаги IBF камарига мажбурий даъвогар Филип Хргович (16-0,13 КО) Aлександр Усик (21-0,14КО) ва Тайсон Фьюри (34-0-1,24КО) ўртасидаги мутлақ чемпионлик учун бўлажак жанг ҳақидаги ўз фикрлари билан ўртоқлашди.

“Мен Усикни ҳар доим кўп қиррали жангчи деб билганман. У техник, кучли ва доимо яхши тайёрланган. Фьюрининг сўнгги жангида унинг бироз ўзига ўхшамаганини кўрган бўлсак-да, менимча, бу кўпроқ мотивация етишмаслиги билан боғлиқ. Боксчининг мотивацияси унинг ишлаши ва натижаларига кескин таъсир қилиши мумкин.

Мен бу жангда ўз овозимни Усикка бераман, ваҳоланки бу баҳсда иккиси ҳам ғалаба қозониши мумкин”, — деди Хргович Франк Уорреннинг Queensberry Promotions компаниясига берган интервьюсида.

Эслатиб ўтамиз, Улар 17 февраль куни Aр-Риёдда жанг ўтказади.