Finallisima sanasi ko‘chirilishi mumkin

Lionel Skaloni 2025 yilgi Finalissima bo‘lib o‘tishiga shubha qilmoqda. "Mundo Albicelecte" jurnalisti xabar berishicha, Finalissima 2026 yilning martiga ko‘chirilishi mumkin.

"Kopa Amerika-2024" va "Evro-2024" g‘oliblari o‘rtasidagi o‘yinda Argentina Ispaniya bilan to‘qnash keladi. O‘yin 2025 yilning yozida AQShda bo‘lib o‘tishi mumkinligi xabar qilingandi.

- O‘yin o‘tkaziladimi yoki yo‘qmi, bilmayman. Kelgusi yil taqvim bo‘yicha bilganimdan ko‘ra qiyin bo‘lishi mumkin. Ayniqsa noyabrgacha Jaxon chempionatiga yo‘llanma oladigan Ispaniya uchun. Kelgusi yil Finalissima o‘tkazish imkonsiz deb o‘ylayman, - dedi Argentina terma jamoasi bosh murabbiyi.