"Фиорентина" "Барселона" футболчисини ўз сафига қўшиб олмоқчи

Италиянинг "Фиорентина" клуби "Барселона" ярим ҳимоячиси Рафинья Алькантарга жиддий қизиқиш билдира бошлади. Бу ҳақда ESPN нашри хабар тарқатмоқда.

Юқоридаги манбаага кўра “бинафшаранглилар” 26 ёшли бразилиялик футболчини жорий ёзги трансферлар давридаёқ ўз сафига қўшиб олишмоқчи.

Айтиш керакки, Рафиньяга шунингдек “Валенсия”дан ҳам қизиқишлар мавжуд. “Кўк-анор ранглилар” эса унинг трансферини 15 млн еврога баҳолашмоқда.

Маълумот учун, Рафинья “Барселона” тарбияланувчиси ҳисобланади. У асосий жамоада 2011 йилдан буён тўп суриб келмоқда. Бразилия терма жамоасижа эса 2та учрашувда иштирок этган.