"Фиорентина" "Милан"га Миленковичнинг нархини эълон қилди
"Фиорентина" клуби раҳбарияти "Милан" қизиқаётган сербиялик ҳимоячи Никола Миленковичнинг трансфер нархини эълон қилди.
Football Italia нашри тарқатган хабарга кўра, “бинафшаранглилар” 22 ёшли футболчини 40 миллион еврога баҳоламоқда. Уни шахсан “россонерилар” бош мураббийи Стефано Пиоли ўз жамоасида кўрмоқчилигини инобатга олсак, раҳбарият ушбу трансферни амалга оширишга жиддий уриниб кўради. “Милан” Миленкович учун “Фиорентина”га Лукас Пакетани қўшиб беришга ҳам тайёр.
Никола ўтган мавсум флоренцияликлар сафида жами 37 та ўйинда майдонга тушиб, рақиблари дарвозасига 5 та гол урди. Унинг клуб билан амалдаги шартномаси 2022 йилга қадар имзоланган.
Миленковичга “Милан”дан ташқари "Наполи", "Барселона" ва "Манчестер Юнайтед" клублари ҳам харидор бўлмоқда.
Фикрлар