Флик “Барса” юлдузлари олдига немисча талаб қўйди

Кетма-кет иккинчи мавсумда “Барселона”ни Испания чемпионига айлантирган ханс-Дитер Флик футболчиларга келаси мавсум учун талабларини айтди.

Германиялик мураббий шогирдларидан янги чемпионатда нимани кутаётганини аниқ билдирди.

- Немислар ҳеч қачон тўхтамайди ва мен айнан шундай руҳиятни Каталониядаги футболчиларимдан талаб қиламан. Келаси мавсумда бизни янада катта мақсадлар кутмоқда.

Мен келаси мавсум учун тўлиқ тайёрман. Футболчилардан тўлиқ фидойиликни кутаман ва сўрайман. Ҳар бир ўйинчи ушбу клуб ва жамоа учун бор кучини беришини истайман, - деди Ханси Флик.

Унинг сўзларини журналист ва инсайдер Фабрицио Романо келтирган.

Эслатиб ўтамиз, каталонияликлар ушбу мавсумда “Реал”ни ортда қолдириб, Испания Ла Лигаси чемпиони бўлди, бироқ Европа Чемпионлар лигасида мақсадига етолмади. Флик шогирдлари қитъанинг энг нуфузли мусобақаси чорак финалида Мадриднинг иккинчи клуби “Атлетико”дан мағлубиятга учради.