Флик: "Барселонадаги ҳаёт барча кутганларимдан бошқача бўлиб чиқди"

"Барселона" бош мураббийи Ханс-Дитер Флик жорий лавозимида ўзини қандай ҳис қилаётгани ҳақида фикр билдирди.

Немис мутахассиси 2024 йил ёзида каталонияликлар бошқарувини қўлга олган эди. У Хави Эрнандес ўрнини эгаллаган. Флик раҳбарлигида жамоа ҳозирга қадар тўртта совринни қўлга киритишга муваффақ бўлди.

"Барса"да биринчи кунданоқ бу оддий оила эмас, балки ундан-да каттароқ нарса эканини ҳис қиласиз. Барселонадаги ҳаёт барча кутганларимдан устун чиқди. Бу ерда одамлар бизга жуда меҳрибон. Бу эса клубдаги ишни ҳақиқатан ҳам ўзига хос қилади", — дея Фликнинг сўзларини келтиради Испания оммавий ахборот воситалари.

60 ёшли мураббийнинг шартномаси 2027 йил ўрталаригача амал қилади. Айни пайтда "Барселона" Ла Лига турнир жадвалида пешқадам бўлиб турибди ва "Реал"дан бир очко олдинда бормоқда.