Флик: "Бир ярим йил ичида қанча "эл класико" бўлган? Биз фақат бир марта ютқаздик"

"Барселона" бош мураббийи Ханс-Дитер Флик "Реал" ҳужумчиси Килиан Мбаппенинг жамоа ҳимоясига таҳдиди ҳақидаги саволга жавоб берди. 11 январь, якшанба куни жамоалар Испания Суперкубоги финалида тўқнаш келишади.

"Сўнгги бир ярим йил ичида қанча "эл класико" ўйнадик? Қанча ютқаздингиз? "Барселона" атиги бир марта ютқазди. Ҳамма гап шунда.

Мбаппе фантастик футболчи эканини биламан. У ҳимоя чизиғи ортида бўш жойга эга бўлса, феноменал бўлади. Ҳар доимгидек баъзи нарсаларни ўзгартирамиз, лекин фақат Мбаппе туфайли эмас. Бизнинг фалсафамизга, ғояларимизга эътибор қаратишмоқда", - дея Фликнинг сўзларини келтиради Mundo Deportivo.

Флик 2024 йил ёзида "Барселона"га келганидан бери "кўк-анорранглилар" бир марта - Ла Лиганинг жорий мавсумининг 10-турида "Реал"га ютқазди (1:2).