Флик: Ҳар доим ҳакамларни айблаймиз ва баҳона излаймиз

"Барселона" бош мураббийи Ханс-Дитер Флик Испаниядаги ҳакамлар ҳақида фикр билдирди. 

— "Ҳакамлар бўлиши жуда муҳим. Испанияда уларга қандай муносабатда бўлишлари ақлга сиғмайди. Бу менга ёқмайди. Биз оиламиз ҳақида ўйлашимиз керак. Футболчи ва мураббийлар уларни ҳимоя қилишмиз лозим. Ҳакамларга қарши босимни ёқтирмайман. 

— Бизда ВАР бор ва бунга ишонишимиз лозим. Бир нарсани тушунишимиз керак. Улар ҳам инсон ва хато қилиши мумкин. Федерация бу борада ўз позициясини билдириши керак. Бу жуда муҳим. 

— Биз ҳар доим баҳона излаймиз. Мағлуб бўлсак, ҳакамларни айблаймиз. Бу тўғри эмас. Ҳакамларни ҳимоя қилиш керак. Сабаби, уларсиз ўйнай олмаймиз. Ғалаба қозониш учун эса яхшироқ ўйнаш талаб этилади.