Флик: "Иккинчи бўлимда анча яхшироқ ўйнадик"

"Барселона" бош мураббийи Ханс-Дитер Флик Ла Лига доирасида "Мальорка" устидан қозонилган йирик ғалаба (3:0) ҳақида фикр билдирди.

"Бернальнинг "Барселона" сафидаги илк голини ургани жуда қувонарли. У оғир жароҳатдан кейин қайтди ва бугун у учун ажойиб кун бўлди.

Биринчи бўлимда биз жуда секин ўйнадик, ўз услубимизда ҳаракат қилмадик. Иккинчи бўлим эса анча яхшироқ чиқди.

Уч очко олдик, учта гол урдик ва ўз дарвозамизни дахлсиз сақладик – бу жуда яхши кун. Танаффус пайтида футболчиларнинг жойлашувига оид айрим ўзгаришлар киритишга тўғри келди", – деди "Барселона" устози.