Флик жамоанинг янги йилдаги мақсадлари ҳақида гапирди

"Барселона" бош мураббийи Ханс-Дитер Флик 2025 йил якунлари ва жамоанинг янги 2026 йилдаги мақсадлари ҳақида гапирди.

"Бу мен, ходимларим, клуб ва мухлислар учун таъсирли ва муваффақиятли йил бўлди. Бу ерда, Барселонада бошимдан кечираётганларим ақл бовар қилмайди. Мен жуда бахтлиман, лекин бу ўтмишда қолди ва биз бу мавсум охирида муваффақиятни такрорлаш учун ишлашда давом этишимиз керак. Келаси йил учун катта мақсадларимиз бор, ўтган йилги чемпионликлар ажойиб, аммо биз олдинга интилишимиз керак ва айнан шуни хоҳлаймиз", - дея Фликнинг сўзларини келтиради Mundo Deportivo.

Ханс-Дитер Флик "Барселона"ни 2024 йилнинг ёзидан буён бошқариб келмоқда. Унинг қўл остида "кўк-анорранглилар" чемпионлик унвонини, шунингдек, мамлакат кубоги ва суперкубогини қўлга киритди. Фликнинг клуб билан амалдаги шартномаси 2027 йилнинг июнигача мўлжалланган.