Флик Ламин Ямални нималарни кутаётганини айтди

“Барселона”ни Испания чемпионига айлантирган германиялик мутахассис Ханс-Дитер Флик жамоа етакчиси Ламин Ямални ёрқин келажак кутиб турганини таъкидлади.

- Ямал – футбол даҳоси. У навқирон ёшда бўлишига қарамай, учрашувлар тақдирини ҳал қиладиган даражада ўйнаяпти.

Ламин тўғри йўлдан бормоқда. Биз эса, уни ҳар томонлама қўллаб-қувватлашга ҳаракат қиляпмиз. У жаҳон футболи тарихида энг зўр ўйинчилардан бири бўлади. Мен бунга аминман, - деди Ханс-Дитер Флик.

18 ёшли Ямал янги мавсумнинг дастлабки икки учрашувида битта гол ва иккита ассист қайд этди. Дунёнинг энг қимматбаҳо ўйинчилари қаторига қўшилган испаниялик футболчи 200 миллион еврога баҳоланмоқда.