Флик Мадрид клубларига кам харажат билан ҳукмронлик қилишни кўрсатиб қўйди

Ўтган мавсум “Барселона”ни Испания чемпионига айлантирган Ханс-Дитер Флик кам харажат билан ҳам жамоа ўйин даражасини кучайтириш мумкинлигини кўрсатиб қўйди.

Германиянинг мутахассис Каталония суперклубини қабул қилиб олганидан бери трансферларга атиги 88 миллион евро сарфлади ва шу билан бирга жорий мавсумда ҳам  Испания Ла Лигасида ишончли тарзда етакчиликни сақлаб қолмоқда.

Шу давр мобайнида Мадриднинг “Атлетико” клуби трансферларга 364 миллион евро сармоя киритган, каталонияликларнинг ашаддий рақиби “Реал” эса, 216 миллион евро сарфлаган ҳолда таркибини кучайтиришга уринган.

Шунингдек, “Вильярреал” янги ўйинчилар учун 171 миллион евро, “Бетис” эса 101 миллион евро харажат қилиб, бу кўрсаткич бўйича “Барселона”дан ўтиб кетди.