Флик: "Ўйин олдидан байрам қилиш тўғри деб ҳисобламайман"

Ханс-Дитер Флик "Барселона"нинг чемпионлигини олдиндан нишонлаш ҳақида ўйламаяпти.

- "Реал Мадрид"нинг "Мальорка"га қарши ўйинини томоша қиласизми?

- Ҳали қарор қилганим йўқ. Аммо ҳар ҳолда натижани билиб оламан. Биз ўз ўйинимизга эътибор қаратишимиз лозим.

- Чемпионликни нишонлаш ҳақида ўйлаб кўрдингизми?

- Ўйин олдидан байрам қилиш ҳақида гапириш ёки ўйлаш тўғри эмас деб ҳисоблайман. Ўйинга эътибор қаратиш керак. Икки йил олдин содир бўлган воқеани телевизорда кўрганман. Ҳамма нарсани ҳурмат билан қилиш лозим. Биз уч очко учун курашишимиз керак, шундай қилсак тўғри бўлади, - деди "Барселона" бош мураббийи.

Эслатиб ўтамиз, "Барселона" Ла Лиганинг 36-тур доирасидаги эртанги ўйинида "Эспаньол"ни мағлуб этса, Испания чемпиони бўлади. Агар бугун "Реал" "Мальорка"га қарши ўйинда очко йўқотса, Каталонияликлар чемпионликни қўлга киритиши мумкин.