Флик раҳбариятдан янги ҳимоячи олиб келишни сўрамоқда

"Барселона" бош мураббийи Ханс-Дитер Флик трансфер ойнаси якунланишидан олдин жамоа таркибини кучайтириш ниятида. Бу ҳақда Жерард Ромеро маълум қилмоқда.

Манбанинг хабар беришича, Флик "Барселона" раҳбариятидан трансфер ойнасининг сўнгги кунларида янги марказий ҳимоячи билан шартнома имзолашни сўрамоқда. Бироқ, клуб ёзда қўшилган баъзи янги ўйинчиларни ҳали рўйхатдан ўтказмагани сабабли, "Барселона"нинг мураббий илтимосини бажара олиши номаълум.

Ла Лиганинг икки туридан сўнг "Барселона" турнир жадвалида олти очко тўплаб, иккинчи ўринни эгаллаб турибди.