Флик: "Рақибнинг курашиш истаги — футболнинг бир қисми"

"Барселона" бош мураббийи Ханс-Дитер Флик "Овьедо"га қарши ўйинда (3:0) рақибнинг охиригача курашгани уни ҳайратга солмаганини айтди.

"Бу футболнинг бир қисми. Уларнинг йўқотадиган ҳеч нарсаси йўқ эди, бундай рақибга қарши ўйнаш ҳар доим қийин. Улар жуда кучли прессинг қилди, биз эса бунга қарши тура олмадик. Иккинчи таймда вазият яхшиланди, ўзимиз прессинг қила бошладик ва тезда гол урдик.

Сўнгги пайтларда бизда кўп учишлар бўлди, олдинги ўйиндан кейин жуда кеч қайтдик. Жамоа қўлидан келган барча ишни қиляпти. Мен жамоамдан жуда мамнунман.

Агар сен ғалаба қозонсанг, ҳаммаси жойида бўлади, ҳатто биринчи тайм бугунгидек ўтган бўлса ҳам. Биринчи бўлимдаги ўйиндан норози эдим, аммо барчасини тушунаман. Энг муҳими — биз ўзимизга келдик, ўзгартиришлар киритдик ва ҳаммаси иш берди", — деди "Барселона" бош мураббийи.