Флик: "Реал" "Хетафе"ни енгиши керак, лекин кутамиз, нима бўлар экан"

Барселона бош мураббийи Ханс-Дитер Флик "Реал" билан бўладиган учрашув ҳақида фикр билдирди.

"Реал" бугун Ла Лига доирасида сафарда "Хетафе" билан баҳс олиб боради. "Барселона" эса шанба куни "Жирона"ни 2:1 ҳисобида енгиб, жадвалда биринчи ўринни қайтариб олди.

"Реал" "Хетафе"ни мағлуб этиши керак, лекин бу ўйинда нималар бўлишини кўрамиз”, — деди Флик "Madrid Universal" нашрига берган интервьюсида.

Ҳозир каталонияликлар 22 очко билан етакчилик қилмоқда, "қироллик клуби"да эса бир ўйин захирада бўлган ҳолда 21 очкога эга. 26 октябрь куни жамоалар "Сантьяго Бернабеу"да тўқнаш келади.

Қайд этиш жоиз, Флик "Жирона"га қарши ўйинда майдондан четлатилгани сабаб "Эл-класико"ни ўтказиб юборишига тўғри келади.