Флик: "Ямал иккинчи бўлимда анча кучли ўйнади"

"Барселона" бош мураббийи Ханс-Дитер Флик "Мальорка"га қарши ўйинда (3:0) Ламин Ямалнинг ҳаракатларига баҳо берди.

18 ёшли вингер 61-дақиқада жамоасининг иккинчи голини урди ва ҳисобни 2:0 кўринишига олиб келди. 78-дақиқада у Руни Бардагжи билан алмаштирилди. Орадан кўп ўтмай Марк Берналь каталония жамоасининг учинчи голига муаллифлик қилди.

"Биринчи бўлимда Ямал энг яхши ўйинини кўрсата олмади, аммо танаффусдан кейин анча кучли ҳаракат қилди. Ламин футболдан завқ олади, бироқ биз уни алмаштиришга қарор қилдик, чунки аллақачон пайшанба куни навбатдаги ўйин бор", – деди Флик.

12 февраль куни "кўк-анорранглилар" Кубок ярим финали доирасида икки ўйинлик қарама-қаршиликнинг илк баҳсида Мадридда "Атлетико" меҳмони бўлади.