Фликнинг Рэшфорд билан телефонда суҳбатлашгани маълум бўлди

"Барселона" бош мураббийи Ханс-Дитер Флик жамоанинг бўлажак янги аъзоси Маркус Рэшфорд билан телефонда суҳбатлашди.

"Diario Sport" нашрининг хабар беришича, германиялик мураббий 27 ёшли вингерга ўз режалари ҳақида сўзлаб, шунингдек, инглиз футболчисига унинг жамоадаги вазифаси тўғрисида маълумот берган. Суҳбатдан сўнг мураббий тезда футболчининг чиндан ҳам "Барса"да ўйнашни хоҳлаётганини ва трансферни интизорлик билан кутаётганини англаган.

Эслатиб ўтамиз, "Барселона" Маркус Рэшфордни "Манчестер Юнайтед"дан 30 миллион еврога сотиб олиш имконияти билан ижарага олмоқда. Якшанба куни футболчи Каталония пойтахтига етиб келди ва яқин кунлар ичида клуб келишувни расман эълон қилади.